Əbubəkr ibn Xosrov əl-Ustad Munisnamə

Abstract

Kitab XII əsrdə yaşayıb yaratmış Azərbaycan müəllifi Əbubəkr ibn Xosrov əl-Ustada məxsus “Munisnamə” əsərinin əlyazmasının əlimizdə olan yeganə nüsxəsindən edilmiş tərcüməsidir. Əsər 17 fəsil, 31 hekayətdən ibarətdir. Əlyazmada 15,16,17,24 və 25-ci hekayətlər çatmır. Şübhəsiz ki, hər bir hekayət müstəqil süjet xəttinə malik olduğu üçün, onların yoxluğu əsərin tamlığına xətər yetirməmişdir. Əsər belə şəkildə tərcümə olunaraq 764 səhifə təşkil edir. Əsəri şərti olaraq iki hissəyə; I-didaktik və II-bədii hissəyə ayırmaq olar. Ümumilikdə isə əsəri “didaktik-belletristik” əsər kimi dəyərləndirmək məqsədəuyğundur.